ඔස්ට්‍රේලියානු පිලේ ශ්‍රී ලංකා තරග සංචාරය ජනවාරි 29 සිට
ඔස්ට්‍රේලියානු කණ්ඩායමේ ශ්‍රී ලංකා තරග සංචාරයේ තරග කාලසටහන ප්‍රකාශයට පත් කර තිබෙනවා.
ඒ අනුව මෙම සංචාරය සදහා එක් එක්දින තරගයක් වෙනුවට තරග දෙකකින් යුත් එක්දින තරගාවලියක් පැවැත්වීමට නියමිත බවයි ශ්‍රී ලංකා ක්‍රිකට් ආයතනය සඳහන් කළේ.
මීට පෙර එක්දින තරගය හම්බන්තොට දී පැවැත්වීමට නියමිතව තිබූ නමුත්, අද නිකුත් කළ කාලසටහනට අනුව එක්දින තරග දෙක පැවැත්වීමට නියමිතව ඇත්තේ කොළඹ ආර්. ප්‍රේමදාස ක්‍රීඩාංගනයේදීයි.
තරග සංචාරය ආරම්භ කරමින් ඔස්ට්‍රේලියානු කණ්ඩායම ලබන 24 වැනිදා දිවයිනට පැමිණෙන අතර ටෙස්ට් තරගාවලිය ජනවාරි 29 වැනිදා ගාල්ලේදී ආරම්භ වීමට නියමිතයි.
අදාළ තරග කාලසටහන පහතින්.
