ශ්‍රී ලංකා – කොදෙව් අවසන් T20 තරගය අද
ශ්‍රී ලංකා හා බටහිර ඉන්දීය කොදෙව් කණ්ඩායම් අතර තීරණාත්මක අවසන් පන්දුවාර 20-20 ක්‍රිකට් තරගය අද පැවැත්වෙනවා.
දඹුල්ල ක්‍රීඩාංගනයේ දී රාත්‍රී 7ටයි එය ආරම්භ වන්නේ.
දෙරට අතර පැවති පළමු තරගය කඩුලු 5කින් ජය ගැනීමට කොදෙව් කණ්ඩායම සමත්වුණා.
දෙවන තරගය ලකුණු 73කින් ජය ගත්තේ ශ්‍රී ලංකා කණ්ඩායමයි.
ඒ අනුව අද තරගය දෙපිළටම විවෘත තරගයක් ලෙසයි ක්‍රීඩා විචාරකයන් හදුන්වාදෙන්නේ.
දෙරට අතර එක්දින ජාත්‍යන්තර තරග තුනක් ද පැවැත්වෙනවා.
පළමු තරගය පැවැත්වෙන්නේ ලබන 20 වනදා.
දෙවන තරගය ලබන 23 වනදා සහ තුන්වන එක්දින තරගය ලබන 26 වනදා පැවැත්වීමටයි කටයුතු යොදා තිබෙන්නේ.
තරග තුනම පල්ලේකැලේ ක්‍රීඩාංගනයේ දී පැවැත්වෙන බවයි ක්‍රීඩා වාර්තා සඳහන් කළේ.
