අමෙරිකාවේ ලොස් ඇන්ජලීස් හි ලැව් ගින්න පාලනයෙන් ගිලිහෙයි
අමෙරිකාවේ ලොස් ඇන්ජලීස් අවට ඇති වූ ළැව් ගින්න මේ වනවිට හොලිවුඩ් කඳුකර ප්‍රදේශය දක්වා පැතිරී තිබෙනවා.
ඒ අනුව හොලිවුඩ් කඳුකරයේ ගින්න වේගයෙන් ව්‍යාප්ත වෙමින් පවතින බවත්, එය පාලනය කිරීමට ඇති හැකියාව අවම මට්ටමකට පත්ව ඇති බවයි සඳහන් කරන්නේ.
ලොස් ඇන්ජලීස් ඉතිහාසයේ වඩාත් විනාශකාරී ළැව් ගින්න ලෙසින් මෙය සැලකෙන අතර, මේ වන විට මරණ 6 ක් වාර්තාවී ඇති බවද සඳහන් වේ.
දැඩි සුළං තත්ත්වය මැද පසුගිය අඟහරුවාදා දිනයේ සිට මෙලෙස ලැව් ගින්න පැතිර යමින් ඇති බවයි විදෙස් මාධ්‍ය වාර්තා වැඩිදුරටත් සඳහන් කරන්නේ.
