හික්කඩුවේ වැරදුනු කුරුමානම (Video)
හික්කඩුව පන්නම්ගොඩ ප්‍රදේශයේ “සිට්‍රස්” හෝටලය ඉදිරිපිටදී කොළඹ දෙස සිට යතුරු පැදියකින් පැමිණි නාදුනන පුද්ගලයින් දෙදෙනෙකු විසින් දොඩන්දූව ප්‍රදේශයේ ත්‍රී රෝද රථ රියදුරෙකු වශයෙන් කටයුතු කරනු ලබන 33වියැති ප්‍රණීත් මානවඩු නම් පුද්ගලයෙකු ඉලක්ක කර ගනිමින් වෙඩි තැබීමක් සිදුකිරීමට උත්සාහ ගෙන තිබෙනවා. වෙඩි ප්‍රහාරයේ ඉලක්කය වූ පුද්ගලයා එම ස්ථානයෙන් දිව ගොස් ඇති අතර වෙඩි ප්‍රහාරය එල්ල කිරීමට යාමේදී ගිනි අවිය නිසියාකාරව ක්‍රියාත්මක නොවි ඇති බවත් T56 වර්ගයේ එක් ජීව පතොරමක් එම ස්ථානයේ වැටී ඇත.
වෙඩි තැබීමට ලක්වීමට ගිය මෙම පුද්ගලයාගේ වැඩිමහල් සොහොයුරා මීට පෙර හික්කඩුව කුමාරකන්ද ප්‍රදේශයේ දී සිදුවූ මනුෂ්‍ය ඝාතනයක් සම්බන්ධයෙන් අත්අඩංගුවට ගෙන වසර කිහිපයක් වැලිකඩ බන්ධනාගාර ගත කර සිට මීට සතියකට පමණ ඉහතදී නිදහස් ව පැමිණ ඇත.
-වැලිගම තරංග
