මාරක අනතුරකින් 03ක් ජීවිතක්ෂයට
දිවුලපිටය – මීගමුව මාර්ගයේ දූනගහ නගරයේ දී ටිපර් රථයක් සහ ත්රීරෝද රියක් මුහුණට මුහුණ ගැටීමෙන් බිහිසුණු අනතුරක් සිදුව තිබෙනවා.
මෙම අනතුරින් ත්රීරෝදරියෙහි ගමන්ගත් තිදෙනෙක් ජීවිතක්ෂයට පත්වී ඇති බවයි දිවුලපිටිය පොලිසිය පවසන්නේ.
අද (15) උදෑසන 8.30ට පමණ මෙම අනතුර සිදුව තිබෙනවා.
දිවුලපිටිය සිට මීගමුව දෙසට ධාවනය වූ ලොරිරථයක් ගොඩිගමුව ප්රදේශයේ සිට දූනගහ දෙසට ධාවනය වූ ත්රීරෝද රථයක ගැටී මෙම අනතුර සිදුවූ බවයි වාර්තා වෙන්නේ.
අනතුර සිදුවන අවස්ථාවේදී ත්රීරෝද රථය ඉන්ධන පිරවුම්හලක සිට එක්වරම මාර්ගයට දමා ඇති අතර ත්රීරෝද රථය ලොරි රථයේ බදෙහි වැදී තිබෙනවා.
ත්රීරෝද රථයේ ගමන්ගත් පිරිමි පුද්ගලයින් තිදෙනෙක් ජීවිතක්ෂයට පත් වූ බවයි දිවුලපිටය පොලිසිය පවසන්නේ.
තවත් එක් කාන්තාවක් තුවාල ලබා රෝහල්ගතකර තිබෙනවා.
අනතුරටට හේතුව ත්රීරෝද රථ රියැදුරුගේ නොසැලකිලිමත් භාවය බවයි දිවුලපිටිය පොලිසිය වැඩිදුරටත් පවසා සිටියේ.
