මත්පැන් පානය කර බස් රථයක් පදවමින් සිටි ලංකා ගමනා ගමන රියදුරෙකු අත්අඩංගුවට
අධික ලෙස මත්පැන් පානය කර බස් රථයක් පදවමින් සිටි ලංකා ගමනා ගමන මණ්ඩලයට අයත් බස් රථයක රියදුරෙකුව වෙන්නප්පුව පොලීසිය විසින් අත්අඩංගුවට ගෙන ඇත. 14 වැනිදා රාත්රීයේ වෙන්නප්පුව නගරයේදී මෙම අත්අඩංගුවට ගැනීම සිදු කර ඇත.
පොලීසිය විසින් අත්අඩංගුවට ගෙන ඇත්තේ ලංකා ගමනා ගමන මණ්ඩලයේ මීගමුව ඩිපෝවට අයත් බස් රථයක රියදුරෙකුවය. 26 හැවිරිදි සැකකරු මීගමුවේ පදිංචිකරුවෙකි.
සැකකාර රියදුරා මීගමුව ප්රදේශයේ පදිංචිකරුවන් පිරිසක් රැගෙන මඩු දේවස්ථානය බලා ගමන් කරමින් සිට ඇත.රාත්රී රථවාහන රාජකාරියේ නිරතව සිටි පොලිස් නිලධාරීන් විසින් වාහන නවත්වා පරීක්ෂා කරන අවස්ථාවේදී සැකකාර රියදුරා බස් රථය පදවමින් සිට ඇත්තේ බීමතින් බව අනාවරණය වී ඇත. ඒ අනුව අත්අඩංගුවට ගැනීම සිදු කර ඇත.
බස් රථයේ සිටි පිරිස වෙනත් රථයක් ගෙන්වා ගෙන මඩු දේවස්ථානය බලා පිටත්ව ගොස් ඇත.
සැකකාර රියදුරා මාරවිල මහේස්ත්රාත්වරයා හමුවට ඉදිරිපත් කිරීමට නියමිතව ඇත.
ජුඩ් සමන්ත
