පුදුකුඩිඉරිප්පු ප්‍රදේශයේ භාණ්ඩ සොරාගත් කල්ලියක් අත්තඩංගුවට
මුලතිව්, පුදුකුඩිඉරිප්පු ප්‍රදේශයේ වෙළඳසැල් හා කෝවිල් වෙත හොරෙන් ඇතුළු වි භාණ්ඩ සොරාගත් කල්ලියක පුද්ගලයින් දෙදෙනෙකු පසුගිය 4වෙනිදා අත්අඩංගුවට ගත් බව පුදුකුඩිඉරිප්පු පොලිසිය පවසයි.
පොලිසිය පැවසූවේ පුදුකුඩිඉරිප්පු ප්‍රදේශයේ වෙළඳසැල් පහක හා කෝවිලක භාණ්ඩ සොරාගත් පුද්ගලයින් දෙදෙනෙකු එලෙස අත්අඩංගුවට ගත් බවයි.
පුදුකුඩිඉරිප්පුව නගරයේ වෙළඳසැල් පහක හා පුදුකුඩිඉරිප්පු,නාගතම්බිරාන් කෝවිලේ භාණ්ඩ සොරාගැනීම සම්බන්යෙන් ලද පැමිණිළි මත සැකකරුවන් අත්අඩංගුවට ගත් බවද පොලිසිය පැවසීය.
අල්ලාගත් සැකකරුවන් පුදුකුඩිඉරිප්පු 10 වන පටුමඟ ප්‍රදේශයේ පදිංචිකරුවන් වන අතර,සැකකරුවන් අතර වයස අවුරුදු 14 ක දරුවෙකු සිටින බවද පොලිසිය පැවසූහ.
සැකකරුවන් සතුව තිබි සොරාගත් භාණ්ඩවලින් කොටසක් සොයාගත් බවද පොලිසිය සඳහන් කළහ.
සැකකරුවන් මුලතිව් මහේස්ත්‍රාත් අධිකරණයට ඉදිරිපත් කිරීමට නියමිත අතර,සිද්ධිය සම්බන්ධයෙන් පුදුකුඩිඉරිප්පු පොලිසිය වැඩිදුර පරීක්ෂණ මෙහෙයවයි.
(සොරාගත් භාණ්ඩවලින් කොටසක් පොලිසිය විසින් සොයාගෙන තිබු අයුරු ජායාරූප එවා ඇත.)
-වවුනියාව මාධව කුලසූරිය
