ගජමුතු සහ රිදී මංජුසාවක් සමඟ අයෙක් අත්අඩංගුවට

ඊයේ (29) මඩකලපුව පොලිස් වසමේ, පුලියන්තිව් ගාන්ධි ළමා උද්‍යානය ඉදිරිපිට දී සිදුකළ වැටලීමකදී ගජමුතු තොගයක් සහ රිදී මංජුසාවක් ජාවාරම් කිරීම සඳහා සන්තකයේ තබාගෙන සිටි පුද්ගලයෙකුව  විශේෂ කාර්ය බළකාය විසින් අත්අඩංගුවට ගෙන ඇත.

එහිදී ගජමුතු 11ක් සමග රිදී මංජුසාවක් හමුවී ඇති අතර ඒවායේ වටිනාකම රුපියල් කෝටි දෙකහමාරකට අධික බව සඳහන් වේ.

අත්අඩංගුවට ගත් පුද්ගලයා චෙංකලඩි ප්‍රදේශයේ පදිංචි වයස අවුරුදු 30ක් වන අයෙක් අතර වැඩිදුර විමර්ශන කටයුතු සදහා මඩකලපුව පොලිස් ස්ථානය වෙත භාර දී තිබේ.